Qostanaı oblysynyń sý tasqynynan zardap shekken aýdandarynda uıaly baılanys qyzmeti men ınternet baılanysy qaıta qalpyna keltirile bastady, dep habarlaıdy Egemen.kz.
Oblys ákimdiginiń málimetinshe, 4 sáýirde dızeldi generatorlardyń kómegimen Amangeldi aýdanynyń Qumkeshý, Aıtbaı, Stepnıak, Jangeldi aýdanynyń Toqanaı, Saǵa aýyldarynda uıaly baılanys iske qosylǵan. Sondaı-aq Qyzyljuldyz aýylyndaǵy «Qazaqtelekom» aksıonerlik qoǵamy «núkte kóp núkte» qaǵıdaty boıynsha ınternet baılanysyn qalpyna keltirdi.
«Ázirshe uıaly baılanyssyz otyrǵan 5 eldi meken qaldy. Olar – Qabyrǵa, Aqkól, A.Baıtursynuly, Ekidiń, Qyzyljuldyz aýyldary. Bul aýyldarda elektr energııasy joq, kiretin jol joq. Sondyqtan uıaly baılanys ornatý qıynǵa soǵyp otyr», deıdi oblystyq aqparattandyrý basqarmasynyń basshysy Azamat Qashıev.