Prezıdent oblystaǵy sý tasqyny jaǵdaıyn baqylaýda ustap otyr. Sý basý qaýpin seıiltý úshin barlyq shara qabyldanyp jatyr jáne bul jumystar odan ári kúsheıtiledi, dep habarlaıdy Egemen.kz Aqordanyń baspasóz qyzmetine silteme jasap.
Úkimet qarǵyn sýdan zardap shekken azamattarǵa kómek kórsetedi, sondaı-aq materıaldyq shyǵyndar óteledi.
Oblys ákimi Serik Shápkenovpen sóılesý barysynda Prezıdent eshqandaı otbasy, birde bir turǵyn memlekettiń nazarynan tys qalmaıtynyn málimdedi jáne olarǵa óziniń jyly lebizin bildirip, árdaıym qoldaıtynyn jetkizýdi tapsyrdy.