Qostanaı aýdanynda 1043 adam evakýasııalandy. Evakýasııalyq pýnktterge 80 adam ornalastyrylǵan. Tósek tartyp jatqan 3 naýqas adam aýdandyq aýrýhanaǵa jatqyzylǵan, dep habarlaıdy Egemen.kz.
Aýdan kóleminde 212 bas mal qaýipsiz jerge shyǵaryldy. Bos qalǵan úıler men kóshelerdi aýdandyq polısııa bóliminiń qyzmetkerleri kúzetip tur.
Tobyl qalasy men Zarechnyı eldi mekeninde 14 evakýasııalyq pýnkt jumys istep jatyr.
Qazir aýdanda jergilikti atqarýshy organdar men TJ, Gaz qyzmetiniń mamandarynan, eriktilerden jasaqtalǵan jumys toptary qaýiptiń aldyn alý is-sharalaryn júrgizýde. Aýyr tehnıkalar Tobyl ózeniniń shetin bıiktep jatyr.