Otandyq blokcheın-tehnologııalar jáne data-ortalyqtar qaýymdastyǵynyń múshesi «TechCompany» «Blokcheın jáne jasandy ıntellekt mektebimen» birge ótkizgen blokcheın negizderi men krıptovalıýta, SMART kelisimshart, «NFT» jáne «GameFi» boıynsha tegin sheberlik saǵat serııasyn aıaqtady.
Kýrstar zamanaýı blokcheın tehnologııalary men krıptovalıýta áleminiń negizgi uǵymyn ashýǵa baǵyttalyp, «NFT» jáne «GameFi»-ge kirispe túrinde ótti.
«Kýrs serııasyn uıymymyzdyń tájirıbeli blokcheın ázirleýshileri jasady. Olar sabaqtyń ár bólimine barlyq qatysýshy úshin meılinshe paıdaly ári tıimdi aqparatty engizdi», dedi «TechCompany» dırektory Artýr Súndetov.
Elimizdegi blokcheın tehnologııalar jáne data ortalyqtar qaýymdastyǵynyń tóraǵasy Dáýren Qarashevtyń aıtýynsha, «Blokcheın jáne jasandy ıntellekt mektebi» ekonomıkanyń ósýi men el azamattarynyń sıfrlyq saýatyn arttyrýǵa yqpal etedi. Sondaı-aq ınnovasııalar men jańa strategııalyq mańyzdy tehnologııalardy damytýǵa qolaıly orta jasaıdy.
Barlyq sheberlik saǵaty ınnovasııalyq tehnologııalar men qarjy quraldary álemine boılaýǵa múmkindik beredi. Bul joba el turǵyndarynyń sıfrlyq saýattylyǵyn arttyrý úshin qolǵa alynǵan.
Aıta keteıik, aldaǵy 22 sáýirde «Blokcheın jáne jasandy ıntellekt mektebi» «Jasandy ıntellekt: qazirgi zamannyń basty talaby» taqyrybynda tegin bazalyq kýrstar men sheberlik saǵatynyń úshinshi modýlin iske qosady. Kýrsty JI salasyndaǵy sarapshy, «Omega Server.Inc» dırektorlar keńesiniń múshesi, birneshe tanymdyq kitaptyń avtory Anatolıı Gın júrgizedi.