Almaty oblysynda kúıeýinen taıaq jegen áıel úıine polısııa shaqyrǵan. Er adam tártip saqshylaryna da baǵynbaı, polıseılerge qarsy oq atqan. Atalǵan fakti boıynsha sotqa deıingi tergeý bastaldy, dep habarlaıdy Egemen.kz.
Almaty oblysy polısııa departamenti baspasóz qyzmetiniń málimetinshe, atalǵan fakt 2024 jyldyń 17 sáýirinde tirkelgen.
«Almaty oblysyna qarasty eldimekenderiniń birinde atys qarýynan belgisiz er adam Eńbekshiqazaq aýdanynyń ýchaskelik polısııa ınspektoryna oq atqan. Saldarynan polısııa qyzmetkeriniń qolyna oq tıip, jaralandy. Jergilikti kúdikti ustalyp, polısııaǵa jetkizildi», - delingen Almaty oblysy PD baspasóz qyzmetiniń habarlamasynda.
Sondaı-aq, er adamnyń mas bolǵany, qoldanǵan tegis uńǵyly myltyǵynyń atyna tirkelgeni de naqtylanady.
«Ustalǵan kúdiktiniń is-áreketi quqyq qorǵaý organy qyzmetkeriniń ómirine qol suǵýdy kózdeıtin qylmystyq quqyq buzýshylyq belgilerin qamtıdy. Qajetti saraptamalardy taǵaıyndaı otyryp, atalǵan fakti boıynsha sotqa deıingi tergeý amaldary qolǵa alyndy», - delingen habarlamada.