Qazaqstandaǵy jańa ıpotekalyq baǵdarlama «Otaýdyń» sharttary ózgerdi. Endi el azamattary attarynda jer telimi, úıdiń ortaq úlesi tirkelgen bolsa da úı alýǵa ótinish bere alady, dep habarlaıdy Egemen.kz tengrinews.kz-ke silteme jasap.
Buǵan deıin turǵyn úıge jatpaıtyn jyljymaıtyn múlki, ortaq jekeshelendirilgen turǵyn úıdegi úlesi, jer telimi bar azamattardyń ótinishteri keri qaıtarylyp otyrǵan.
Endi «Otaý» ıpotekalyq baǵdarlamasy aıasynda osy sanatqa jatatyn turǵyndar da úı alýǵa ótinish bere alady.
«Osy ýaqytqa deıin baǵdarlamaǵa qatysýshy men onyń otbasy músheleriniń sońǵy 5 jyl ishinde jyljymaıtyn múlikke ıelik etpegeni týraly másele memlekettik derekter bazasymen ıntegrasııanyń arqasynda júıemen avtomatty túrde tekserilip keldi. Biraq bul jaǵdaıda olar jyljymaıtyn múliktiń bar-joǵy týraly tek oń nemese teris jaýap berdi. Turǵyn jáne turǵyn emes jyljymaıtyn múlik týraly nemese azamatta aqparattyń az ǵana bóligi bar-joǵy týraly aqparat bolǵan joq. Sondyqtan avtoturaǵy, qoımasy, sharýa qojalyǵy úshin jer telimderi nemese jekeshelendirilgen ortaq turǵyn úıdegi úlesi bar kóptegen qazaqstandyqtar «Otaý» baǵdarlamasyna qatysýǵa ótinish bergen kezde bas tartyldy. Endi olardyń qaıta ótinish berýge múmkindigi bar, delingen «Otbasy» banki taratqan habarlamada.
Bank barlyq sharttardy adamdar arqyly tekserý fýnksııasyn da qosqan.
Baǵdarlama boıynsha 22 sáýirden bastap 30 sáýirge deıin, saǵat 9:00-21:00 aralyǵynda Baspana Market portaly arqyly ótinish qabyldanady.
«Otaý» baǵdarlamasyn nesıelendirý sharttary:
Bastapqy jarna - 20 paıyzdan bastap;Nesıe mólsherlemesi - 9, 2 paıyzdan 11, 8 paıyzǵa deıin;Nesıe merzimi - 19 jylǵa deıin.