Kásipker áıelder týraly kitap

Is-sharada sóz alǵan Saýda jáne ıntegrasııa mınıstriniń bi­rin­shi orynbasary Aıjan Bıja­nova qazir elimizde áıel­der­­diń shaǵyn jáne orta bıznes qu­ry­lymynyń jartysyna jýy­ǵyn basqaryp otyrǵanyn jetkizdi.

«Bul el ekonomıkasyn damytýda mańyzdy ról atqarady. Olar basqaryp otyrǵan shaǵyn jáne orta bıznestiń jalpy ishki ónimge qosqan úlesi shamamen 40 paıyzdy quraıdy. Bul kórsetkish baıaý bolsa da, jyl sanap ósip keledi. Sondaı-aq búgingi ótip otyrǵan is-sharanyń mańyzy bólek. Bul kitap oqyrmandy shabyttandyryp qana qoımaıdy, kásipker bolýǵa úıretedi. Kásipkerlik qyzmettiń negizin túsindirip, ózine, óz isine degen senimińdi qalyptastyrady. О́zim osy jınaqtaǵy keıipkerler týra­ly jazylǵan oqıǵalardy tolyq oqydym. Ásirese meni osy kásipker áıelderdiń boıyndaǵy danalyq, tózimdilik erekshe súısintti», dedi A.Bıjanova.

Jınaqta qarapaıym aıaq kıim tigýden bastap, jylý energetı­ka­syna deıingi túrli salada tabysqa jetken otandyq 50 kásip­ker áıel­ týraly jazylǵan. Olar­dyń­ qa­ta­rynda belgili prodıýser, ak­trı­­sa Baıan Maqsatqyzy, tele­júr­­gizýshi jáne bloger Dınara Sat­jan jáne esimderi elge endi ta­nylǵan názik jandylar bar. NU kásipkerlikti zertteý orta­ly­ǵynyń (NURCE) músheleri da­ıyn­daǵan kitapta osy kásipker aza­mat­shalardyń óz kásipterin damytý­daǵy qıyndyqtary men jetistik­teri shynaıy baıandalǵan.

Joba avtorlary – Shýmaı­la Iýsafzaı, Nurlyhan Álja­nova jáne Nurlan Qulba­tyrov. Sondaı-aq NURCE dırek­torynyń aıtýynsha, bul jınaq bıznes­tegi áıel­derdiń aldynda turǵan prob­­­le­malar men kásipkerliktiń da­mýyna keri áserin tıgizetin áleý­mettik kedergilerdi joıýdy usynady.

«Uly dala izasharlary» kita­byn­da qazaqstandyq kásipker áıel­der­­diń san túrli kásip­pen aınaly­sa­tyny jazylǵan. Sondaı-aq olar­dyń jańashyl ıdeıalarǵa baı kósh­bas­­shylyq qasıeti de nanymdy kór­­­setil­gen. Munda kásipker názik jan­­­­dylardyń óz isin damytý­da­ǵy kúsh-jige­rin kórip, eko­no­­­mıkalyq tur­­­­­ǵy­dan ósip, oń ózgeristerge bas­taý bol­­ǵanyna oqyrmannyń kózi je­te­­­d­i», deı­di jınaqtyń birlesken av­to­­­­ry, NU Joǵary bıznes mek­tebiniń assıstent-professory, NURCE dırektory Shýmaıla Iýsa­fzaı.

Is-sharaǵa elimizdiń ár óńiri­nen­ q­a­tysýshylar keldi. Olar ki­tap ke­ıipkerleriniń áńgi­me­lerin tyń­dap, erekshe áserge bó­lendi. Qanat­tandy. Sondaı-aq atal­ǵan jınaq  Ult­tyq akademııalyq kitap­­­ha­na­dan bastap, NURCE jáne bas­qa da jo­ǵary oqý oryndary­nyń kitap­hana­laryna taratylady. Ta­nys­­ty­ry­lym sońynda kitap avtorlary kele­shekte er-azamattar basym sala­da qyzmet isteıtin áıelder týra­ly jańa kitap jazýǵa nıetti ekenderin jetkizdi.