Sınoptıkter erteń, 27 sáýirde eldiń birneshe óńirinde naızaǵaı oınap, nóser jańbyr jaýatynyn jáne ekpini kúshti jel soǵatynyn boljady, - dep habarlaıdy Egemen.kz.
Jetisý oblysynyń shyǵysynda, soltústiginde soltústik-shyǵystan jel soǵady, Alakól kólderi aýdandarynda keı ýaqytta ekpini 23-28 m/s bolady.
Ulytaý oblysynyń soltústiginde, shyǵysynda, ortalyǵynda soltústik-shyǵystan jel soǵady, ekpini sekýndyna 15-20 metrge jetedi. Túnde oblystyń shyǵysynda 1 gradýs úsik bolady.
Qaraǵandy oblysynyń soltústiginde, shyǵysynda, ońtústiginde soltústik-shyǵystan jel soǵady, ekpini 15-20 m/s bolady.
Atyraý oblysynyń batysynda ońtústik-shyǵystan jel soǵady, kúndiz ekpini 15-20 m/s-qa jetedi. 27 sáýirde oblystyń ońtústiginde joǵary órt qaýpi bar.
Túrkistan oblysynyń taýlarynda nóser jańbyr jaýady. Oblystyń ońtústiginde, taýly jáne taý bókterli aýdandarynda naızaǵaı, daýyl, oblystyń soltústiginde shańdy daýyl. Soltústik-shyǵystan jel soǵady, oblystyń soltústiginde, batysynda, taýly jáne taý bókterli aýdandarynda 15-20, kúndiz ekpini 23 m/s bolady. Oblystyń soltústiginde joǵary órt qaýpi bar.
Shymkentte naızaǵaı oınap, daýyl bolady. Soltústik-shyǵystan jel soǵady, ekpini 15-20 m/s bolady.
Batys Qazaqstan oblysynda jel ońtústikten, ońtústik-shyǵystan soǵady, oblystyń ońtústiginde, soltústik-batysynda ekpini 15-20 m/s-qa jetedi.
Qyzylorda oblysynyń ortalyǵynda, shyǵysynda shańdy daýyl. Jel soltústik-shyǵystan soǵady, oblystyń ortalyǵynda, shyǵysynda ekpini 23 m/s-qa jetedi. Oblystyń ortalyǵynda, ońtústiginde joǵary órt qaýpi saqtalady.
Mańǵystaý oblysynyń basym bóliginde joǵary órt qaýpi saqtalady.
Jambyl oblysynyń taýly aýdandarynda nóser jańbyr jaýady. Oblystyń ońtústiginde, taýly aýdandarynda naızaǵaı oınaıdy. Burshaq jaýyp, daýyl kútiledi soǵady. Oblystyń ońtústiginde, taýly aýdandarynda tuman túsedi. Soltústik-shyǵystan jel soǵady, oblystyń ońtústik-batysynda, soltústik-shyǵysynda, taýly aýdandarynda kúshi 15-20 m/s, ekpini 25 m/s-qa jetedi.