QR Bas prokýratýrasy 2022 jyldyń qańtar aıynda bolǵan oqıǵalarǵa baılanysty qylmystyq isterdi tergeýdi jalǵastyryp jatyr. Qylmystyq is júrgizý kodeksiniń 128-baby tártibinde burynǵy Ishki ister mınıstri Erlan Turǵymbaev ustaldy. Bul aqparatty Bas prokýratýra rastady, dep jazady Egemen.kz.
«2024 jyldyń 29 sáýirinde aýyr zardaptarǵa ákelip soqqan bılik pen laýazymdyq ókilettikterdi asyra paıdalanǵany úshin (QK-niń 362-baby 4-bóligi) Qazaqstan Respýblıkasynyń Qylmystyq is júrgizý kodeksiniń 128-baby tártibinde burynǵy Ishki ister mınıstri Erlan Turǵymbaev ustaldy.
Qylmystyq iste memlekettik qupııalardy quraıtyn málimetterdiń bolýyna baılanysty sotqa deıingi tergep-tekserýdiń basqa derekteri jarııa etýge jatpaıdy.
Memlekettik qupııalardy quraıtyn sotqa deıingi tergep-tekserý derekterin jarııa etýge jol bermeý QR QIJK-niń 47 jáne 201-baptarynyń talaptarymen reglamenttelgen», delingen Bas prokýratýra habarlamasynda.