«Qazgıdromet» RMK sınoptıkteri Qazaqstannyń 16 óńirinde qolaısyz aýa raıyna baılanysty eskertý jasady, dep habarlaıdy Egemen.kz.
Erteń, 2 mamyrda Ulytaý oblysynda ońtústik-batystan jel soǵady, kúndiz oblystyń soltústiginde, shyǵysynda ekpini 15-20 m/s bolady. 2 mamyrda oblystyń shyǵysynda joǵary órt qaýipi saqtalady.
Qaraǵandy oblysynda ońtústik-batystan jel soǵady, oblystyń batysynda, soltústiginde, shyǵysynda ekpini 15-20 m/s. Túnde oblystyń shyǵysynda 2 gradýs úsik kútiledi. 2 mamyrda oblystyń ortalyǵynda, ońtústiginde joǵary órt qaýipi saqtalady.
Aqmola oblysynda soltústik-batystan, batystan jel soǵady, túnde 15-20, oblystyń shyǵysynda ekpini 23 m/s, kúndiz oblystyń ońtústiginde, shyǵysynda ekpini 15-20 m/s kútiledi.
Astanada batystan jel soǵady, túnde jáne tańerteń ekpini - 15-20 m/s.
Mańǵystaý oblysynyń batysynda, soltústiginde naızaǵaı kútiledi. Oblystyń soltústiginde, ortalyǵynda shańdy daýyl kútiledi. Soltústik-shyǵystan jel soǵady, oblystyń soltústiginde, ortalyǵynda 15-20 m/s jetedi. Oblys boıynsha joǵary órt qaýipi saqtalady.
Pavlodar oblysynda ońtústik-batystan jel soǵady, kúshi 15-20, oblystyń ońtústiginde, shyǵysynda ekpini 23 m/s bolady.
Qostanaı oblysynyń batysynda, ońtústiginde naızaǵaı kútiledi. Túnde jáne tańerteń oblystyń soltústiginde, shyǵysynda tuman kútiledi. Soltústikten, soltústik-shyǵystan jel soǵady, oblystyń ońtústiginde 15-20 m/s deıin jetedi.
Aqtóbe oblysynyń ońtústiginde joǵary órt qaýipi saqtalady.