Túrkistan oblysynyń Jańajol aýylynda 3 jyldan beri múlde qylmys tirkelmegen, dep habarlaıdy Egemen.kz Polisia.kz-ke silteme jasap.
Tólebı aýdany Birinshi mamyr aýyldyq okrýgine qarasty Jańajol aýylynda 2 500-den astam turǵyn turady. Bir-birine degen syı-qurmeti artqan aýylda 6 azyq-túlik dúkeni bar. Endi bul dúkenderdiń sóresinde araq-sharap múlde satylmaıtyn bolady.
«Bul bastamany ilgeritý úshin aýyl aqsaqaldary, ákimdik, polısııa, máslıhat depýtattary, qoǵamdyq birlestikter jıyn ótkizdi. Onda aýyl turǵyndarynyń ishimdikten bas tartýy qylmystyń, quqyq buzýshylyqtyń, otbasylyq daý-janjaldardyń joıylýyna septigin tıgizetini aıtyldy. О́z kezeginde jeke kásipkerler ıgi bastamaǵa qoldaý bildirdi», delingen Polisia.kz habarlamasynda.
Aıta ketsek, aýylda ýchaskelik polısııa ınspektorlarynyń júıeli jumysy men turǵyndardyń ashy sýdan bas tartýy sebebinen, sońǵy 3 jylda múlde qylmys tirkelmegen.