• RUB:
    6.68
  • USD:
    520.93
  • EUR:
    609.07
Basty saıtqa ótý
Aýa raıy 05 Mamyr, 2024

Elimizdiń 17 óńirinde qolaısyz aýa raıyna baılanysty eskertý jasaldy

455 ret
kórsetildi

Sınoptıkter erteń, 6 mamyrda elimizdiń 17 óńirinde qolaısyz aýa raıyna baılanysty eskertý jasady, dep habarlaıdy Egemen.kz.

Abaı oblysynda jańbyr kútiledi. Kúndiz oblystyń ońtústiginde naızaǵaı oınaıdy. Jel soltústik-batystan, soltústikten soǵady, oblystyń shyǵysynda, ońtústiginde ekpini 15-20 m/s deıin jetedi.

Mańǵystaý oblysynyń batysynda, soltústiginde, ońtústiginde naızaǵaı kútiledi. Oblys boıynsha joǵary órt qaýipi saqtalady. 

Túrkistan oblysynyń taýly aýdandarynda qatty jańbyr kútiledi. Túnde oblystyń batysynda, ońtústiginde taýly jáne taý bókterli aýdandarynda, kúndiz taýly jáne taý bókterli aýdandarynda keı ýaqyttarda naızaǵaı, daýyl soǵady. Soltústik-batystan ońtústik-shyǵysqa aýysatyn jel soǵady, naızaǵaı kezinde ekpini 15-20 m/s bolady.

Shymkentte keı ýaqyttarda naızaǵaı, daýyl kútiledi. Soltústik-batystan ońtústik-shyǵysqa aýysatyn jel soǵady, naızaǵaı kezinde ekpini 15-20 m/s. 

Shyǵys Qazaqstan oblysynda jańbyr, túnde oblystyń shyǵysynda qatty jańbyr kútiledi. Kúndiz oblystyń shyǵysynda, ońtústiginde naızaǵaı kútiledi. Jel soltústik-batystan soǵady, oblystyń soltústiginde, shyǵysynda, ońtústiginde ekpini 15-20 m/s.

Qaraǵandy oblysynyń ońtústiginde, shyǵysynda naızaǵaı kútiledi. Soltústik-batystan jel soǵady oblystyń ońtústiginde ekpini 15-20 m/s. Túnde oblystyń soltústiginde 2 gradýs úsik kútiledi. Oblystyń batysynda, ońtústiginde, ortalyǵynda joǵary órt qaýipi saqtalady. 

Ulytaý oblysynyń ońtústiginde tuman kútiledi. Oblystyń ortalyǵynda, shyǵysynda joǵary órt qaýipi saqtalady.

Jetisý oblysynyń taýly aýdandarynda qatty jańbyr kútiledi. Oblystyń ońtústik bóliginde, ortalyǵynda, taýly aýdandarda naızaǵaı, burshaq. Soltústik-batystan jel soǵady, oblystyń soltústiginde, shyǵysynda, ortalyǵynda 15-20, kúndiz ekpini 23-28 m/s.

Aqmola oblysynda ońtústik-batystan soǵatyn jel ońtústik-shyǵysqa aýysady, kúndiz oblystyń soltústiginde ekpini 15-20 m/s kútiledi. Túnde 1-6 gradýs úsik kútiledi. 

Qostanaı oblysynyń batysynda, ońtústiginde naızaǵaı kútiledi. Ońtústik-batystan jel soǵady, túnde oblystyń batysynda, kúndiz ekpini 15-20 m/s kútiledi. Túnde 1-6 gradýs úsik kútiledi.

Atyraý oblysynyń shyǵysynda naızaǵaı kútiledi. Oblystyń soltústiginde, batysynda, shyǵysynda joǵary órt qaýipi saqtalady.

Aqtóbe oblystyń soltústiginde 3 gradýs úsik saqtalady. Ońtústik-shyǵystan soǵatyn jel ońtústik-batysqa aýysady, kúndiz oblystyń soltústiginde ekpini 15 m/s kútiledi. Oblystyń ońtústik-batysynda joǵary órt qaýipi kútiledi. 

Qyzylorda oblysynyń ortalyǵynda, shyǵysynda tuman, kúndiz oblystyń soltústiginde naızaǵaı kútiledi. 06 mamyrda oblystyń batysynda joǵary órt qaýipi saqtalady,

Pavlodar oblysynyń batysyndy, soltústiginde 2 gradýs úsik, oblystyń ońtústiginde, shyǵysynda tuman kútiledi. Batystan jel soǵady, túnde oblystyń ońtústiginde ekpini 15-20 m/s kútiledi.

Batys Qazaqstan oblysynda jel ońtústik-batystan, batystan soǵady, oblystyń soltústiginde, shyǵysynda, ortalyǵynda ekpini 15-20 m/s. 

Astanada túnde 1-3 gradýs úsik kútiledi.

Soltústik Qazaqstan oblysynda túnde 1-6 gradýs úsik kútiledi. Ońtústik-batystan jel soǵady, kúndiz ekpini 15-20 m/s.