Sınoptıkterdiń boljamyna qaraǵanda, elimizde naızaǵaı oınap, burshaq jaýady, qatty jel soǵyp, tuman túsedi.
«Ońtústik sıklonnyń jáne onymen baılanysty atmosferalyq frontaldy bólikterdiń jyljýyna baılanysty QR basym bóliginde naızaǵaı oınap, jańbyr jaýady, elimizdiń batysynda qatty jańbyr jaýady, arasynda burshaq túsedi dep boljanady. Respýblıkamyzdyń soltústiginde ǵana jaýyn-shashynsyz aýa raıy kútiledi. Batysta, ońtústikte qatty jel soǵady, ońtústik-batysta, soltústik-batysta, ortalyqta túngi jáne tańerteńgi ýaqytta tuman bolady dep kútiledi», deıdi mamandar.
Túnde Aqmola, Shyǵys Qazaqstan oblystarynyń shyǵysynda, Soltústik Qazaqstan oblysynyń soltústiginde synap baǵany 1-2 gradýs sýyqty kórsetedi, topyraqtyń beti qatyp, úsik júredi.
Qaraǵandy oblysynyń ońtústiginde, Ulytaý oblysynyń ortalyǵynda, Qyzylorda, Túrkistan oblystarynyń batysynda, Abaı oblysynyń ońtústiginde órt qaýpi joǵary bolady.