Qonaevta kóligine ıtti baılap súıregen adam ustalyp, jaýapqa tartyldy, dep habarlaıdy Egemen.kz.
Vıdeo áleýmettik jelide jarııalandy. Avtory oqıǵanyń Qonaev qalasynda bolǵanyn aıtty.
Almaty oblysynyń polısııasy bolǵan oqıǵaǵa qatysty túsinikteme berdi.
«Quqyq buzýshyny qalalyq polısııa qyzmetkerleri anyqtap, QR ÁQBtK-niń 407-baby boıynsha ákimshilik jaýapkershilikke tartty. Sonymen qatar er adammen mundaı faktilerge jol bermeý boıynsha profılaktıkalyq áńgime júrgizildi», dep habarlady polısııa.
PD vıdeo avtoryna belsendi azamattyq ustanymy jáne quqyq qorǵaý organdaryna quqyq buzýshylyqtardy anyqtaýǵa kómekteskeni úshin alǵysyn bildirdi.