Eldiń sý basqan óńirlerinde tasqyn kezinde 9 761 bas mal qyrylǵan. Qazir shyǵyndy óteý jumystary júrgizilip jatyr. Bul týraly Aýyl sharýashylyǵy mınıstri Aıdar Saparov Úkimet otyrysynan keıin ótken brıfıngte aıtty, dep jazady Egemen.kz.
Mınıstrdiń málimetinshe, qazir óńirlerdegi mal shyǵynyn esepteıtin komıssııa jumys istep jatyr. Komıssııa sheshimimen qujaty bar qyrylǵan maldyń shyǵyny bıýdjet esebinen óteledi.
«Tasqyn sý aýmaǵynan 138 800 bas mal qutqaryldy. Odan bólek, 9 761 bas mal qyryldy, ólekselerdiń 98%-y joıyldy. Tirkelmegen mal shyǵyndary qordyń, demeýshilerdiń esebinen óteledi. Búginde 4 801 bas mal shyǵyny óteldi, bul baǵyttaǵy jumys jalǵasyp jatyr», dedi Aıdar Saparov.
Sondaı-aq 4 801 bas mal shyǵynyn óteýge 1 mıllıard 198 mıllıon teńge bólingen.