Jetisý oblysynda Eńbek jáne áleýmettik qorǵaý komıteti Jetisý oblysy boıynsha departamentiniń bólim basshysyna qatysty sotqa deıingi tergeý júrgizilip jatyr, dep jazady Egemen.kz.
Ol para aldy degen kúdikpen ustalǵan bolatyn.
Resmı aqparat boıynsha ol múgedektikti uzartqany jáne taǵaıyndaǵany úshin 2-shi jáne 3-shi sanattaǵy múgedekterden deldaldar arqyly júıeli negizde 20-dan 25 myń teńgege deıin para aldy dep kúdiktelýde.
– Kinásin tolyq moıyndaýyna baılanysty sot kúdiktige qatysty "elektrondyq bilezikti" qoldaný arqyly "úıqamaq" bultartpaý sharasyna sanksııalady. Tergeý jalǵasýda, – delingen Sybaılas jemqorlyqqa qarsy is-qımyl agenttiginiń usynǵan aqparatynda.
Qylmystyq-prosestik kodeksiniń 201-babyna sáıkes ózge aqparat jarııa etýge jatpaıdy.
Konstıtýsııanyń 77-baby 3-tarmaǵynyń 1-tarmaqshasyna jáne Qylmystyq-prosestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.