Búgin Úkimet otyrysynda týrızmdi damytý máselesi qaraldy. Premer-mınıstr Oljas Bektenov týrıstik aımaqtarda ınfraqurylymdyq jobalardy aıaqtaýdy tapsyrdy, dep habarlaıdy Egemen.kz.
Úkimet basshysy shaǵyn azamattyq avıasııa múmkindikterin de týrızmdi damytýǵa paıdalanýǵa bolatynyn aıtty. Ol úshin Kólik mınıstrligi ınfraqurylymdy qaıta qarap, áleýetti ınvestorlardy tartý úshin tıisti jaǵdaı jasaýǵa tıis.
«Qaýipsizdik máselelerin pysyqtap, kórshiles eldermen qatar alys shetelderdiń de tájirıbesin zerdeleý qajet. Elimizde tabıǵı týrıstik aımaqtar shalǵaı ornalasqan, sondyqtan shaǵyn avıasııany damytý óte ózekti bolyp sanalady. Kishigirim ushaqtar men tikushaqtarǵa beton jolaqtar qajet emes, shaǵyn ınfraqurylym salsa jetip jatyr», dep atap ótti Oljas Bektenov Úkimet otyrysynda.