Aqtaýdaǵy №10 mekteptegi oqýshylardyń ata-analary kúzetshini balaǵa tıisip, zorlamaqshy boldy dep aıyptady, dep habarlaıdy Egemen.kz.
Lada.kz jazǵandaı, jelide taraǵan aýdıohabarlamada demalys kúnderi №10 mekteptiń aýlasynda kámeletke tolmaǵan qyzdardyń oınap júrgeni aıtylǵan. Olardyń birin oqý ornynyń kúzetshisi kireberiske shaqyryp alǵan.
Sodan keıin ol qyzdy kúzet ústeliniń artyna aparyp, oǵan tıise bastaǵan. Bala qashyp qutylǵan.
Zardap shekken qyzdyń anasy polısııaǵa aryz jazǵany belgili boldy.
Bul faktini mekteptiń ózi rastap, oqıǵa jeksenbi, 12 mamyr kúni bolǵanyn habarlady. Kúzetshi dereý qamaýǵa alyndy. Kúzet agenttigine qarsy is qozǵaldy.
Oblystyq polısııa departamenti kúdiktiniń ustalyp, ýaqytsha ustaý ızolıatoryna jetkizilgenin habarlady. Bul fakti boıynsha qylmystyq is qozǵaldy.