Astanada Ortalyq Azııa elderi Qaýipsizdik keńesteri hatshylarynyń birinshi otyrysy ótti, dep habarlaıdy Egemen.kz.
«Memleketterimizdiń prezıdentteriniń kúsh-jigeri men dáıekti qadamdarynyń arqasynda Ortalyq Azııa ıntegrasııasy jańa deńgeıge kóterilip keledi. Bul elderimiz arasynda qalyptasqan senim men kópǵasyrlyq dostyq pen tatý kórshilik baılanystaryn nyǵaıtýǵa degen umtylysty kórsetedi. Ortalyq Azııa memleketteri basshylarynyń konsýltatıvtik kezdesýleri bizdiń qarym-qatynasymyzdy tereńdetýde sheshýshi ról atqarady. О́zara is-qımyldyń bul formaty saýda, ónerkásiptik kooperasııa, energetıka, kólik jáne logıstıka salalaryndaǵy jan-jaqty yntymaqtastyqty damytýǵa aıtarlyqtaı serpin berdi», dedi kezdesý barysynda Qazaqstan Respýblıkasy Qaýipsizdik Keńesiniń hatshysy Ǵızat Nurdáýletov.
Ol tamyz aıynda Astanada ótetin VI Sammıtke daıyndyq qyzý júrip jatqanyn qosa aıtty.
«Geosaıası jáne geoekonomıkalyq týrbýlenttilik aımaǵymyzdaǵy qaýipsizdik jaǵdaıyna keri áser etedi. Qazaqstan Prezıdenti Qasym-Jomart Toqaev búgin bizben kezdesý ótkizip, Ortalyq Azııa elderi Qaýipsizdik keńesteriniń hatshylary deńgeıindegi kezdesýler syrtqy jáne ishki qaýip-qaterlerge qarsy turý boıynsha kúsh-jigerdi biriktirý alańyna aınalýǵa arnalǵanyn aıtty. Sondaı-aq bizdiń ózara is-qımyl formatymyz saıası jáne saýda-ekonomıkalyq yntymaqtastyqty damytýdyń oń dınamıkasyn nyǵaıtýǵa kómektesedi dep úmittenemiz», dedi spıker.
QR Qaýipsizdik Keńesiniń hatshysy osy múmkindikti paıdalana otyryp, Qazaqstan Respýblıkasyndaǵy sý tasqynyna baılanysty kórsetken baýyrlastyq yntymaǵy men gýmanıtarlyq kómegi úshin Ortalyq Azııa elderine shyn júrekten alǵys aıtty.
«Biz bastapqy kezeńde úsh tarmaqqa jumylyp, olardy júzege asyrý úshin dáıekti túrde ilgerileýge ýaǵdalastyq. Birinshi – sý-energetıkalyq qaýipsizdigi, ekinshi – azyq-túlik qaýipsizdigi, úshinshi – Ortalyq Azııa elderiniń qaýipsizdigi men kólik-logıstıkalyq áleýetti damytý», dedi ol.