Venesýelanyń ońtústik-shyǵys bóliginde bizdiń ǵalamshardyń eń tańǵajaıyp mekeni bar.
Savannalar men djýnglılermen qorshalǵan, erekshe faýna men florasy bar oqshaýlanǵan aımaq adamdardyń kózinen senimdi túrde jasyrylǵan. Bul qupııa meken «Tepýı» degen atpen belgili. Gran-saban aımaǵynda turatyn pemon úndisteriniń tilinde «qudaılar úıi» degendi bildiredi. Tepýıler bir kezderi Atlant teńizi jaǵalaýynan Amazonka, Orınoko jáne Rıý-Negrý ózenderiniń alabyna deıin sozylǵan alqapty ústirttiń qaldyǵy. Kóldiń ornynda bul ústirtter Ońtústik Amerıka men Afrıka áli bir qurlyq bolyp turǵan kezderi, shamamen 200 mln jyl buryn paıda bolǵan.
Qustar bıi
О́mirinde bir ret bolsyn qustarǵa súısinip qaramaǵan adam joq shyǵar. Al 1000 qustyń qosyla án shyrqap, bıleı jóneletin qubylysyn bilesiz be?
Ol «mýrmýrasııa» dep atalady. О́te sırek kezdesetin jáne syrly qubylys. Onda myńdaǵan qaratorǵaı toptasyp, ushyp bara jatqanda kórkem bı bıleıdi, shoý kórsetedi. Bir qyzyǵy, saǵatyna 40 kılometr jyldamdyqpen ushyp bara jatqan qustar, bir-birimen soqtyǵyspaı, bir-birinen qalyp qoımaı, úılesimdi túrde bir mezette tutas baǵyttaryn ózgerte alady.
Robot ıt
Qytaılyq ınjenerler múgedekterge arnalǵan robot ıt jasap shyǵardy. Joba jasandy ıntellektige negizdelgen. Aqyldy qultemir estıdi, kóredi tipti sóıleı de alady.
Zamanaýı ıt alǵashqy ret Shanhaı qalasynda synaqtan ótti. Robot ıt erekshe jandarǵa jol nusqaıdy. Joba avtorlary áý basta osyny maqsat etken. Sondyqtan dızaınnan góri navıgasııa men qaýipsizdikke basymdyq berilgen. Ol tóńirektegi dybystardy estıdi. Qojaıynynyń tapsyrmasyn buljytpaı oryndaıdy. Sondaı-aq aınalasyn kóredi, sóıleı de alady. Taǵy bir ereksheligi tórt emes, alty aıaǵy bar. Sekýndyna 1,6 metr jyldamdyqpen qozǵala alady.