Pavlodar oblysynyń ákimi Asaıyn Baıhanov eń aldymen kóktemgi sý tasqyny saldarynan 14 úı zardap shekken Jalaýly aýylyna bardy. Olardyń beseýi komıssııanyń sheshimimen turýǵa jaramsyz bolyp shyqty, dep habarlaıdy Egemen.kz Pavlodar oblysy ákimdiginiń baspasóz qyzmetine silteme jasap.
О́ńir basshysy bıik jerge salýdy tapsyrǵan turǵyn úılerdiń sapasyn tekserdi.
Úılerdiń qurylysy sáýir aıynyń basynda bastaldy. Qurylysta 30 adam jáne 2 birlik tehnıka jumys istep jatyr. Qazir barlyq 5 úıdiń qabyrǵalary boı kóterdi. Eki úıde jumystar 90% oryndaldy, bólmelerdi árleý jumystary júrgizilip jatyr. Qalǵan úılerde jumystar jalǵasýda. 5 jańa úıdiń qurylysyna qarajatty ERG toby bóldi.
Oblys ákimi úılerdi tolyǵymen aıaqtaýdy tapsyrdy.
«Men úshin úılerdi jerlesteri aldynda paryzy men jaýapkershiligin sezinetin osy aýdandaǵy jaýapty kásipkerdiń salýy mańyzdy boldy. Úıler jylytý, sýmen jabdyqtaý jáne sý burý júıelerimen qamtamasyz etiledi. Qurylysshylar zamanaýı jáne sapaly qurylys materıaldaryn paıdalanyp jatyr. Jańa turǵyn úılerdiń kiltterin ıelerine osy jyldyń shilde aıynda tabystaýdy josparlap otyrmyz», dedi óńir basshysy. Aımaq alǵashqylardyń biri bolyp, 28 naýryz ben 12 sáýir aralyǵynda sý tasqyny kezinde múlki ártúrli dárejede zardap shekken oblys turǵyndarynan túsken barlyq 125 ótinim boıynsha ótemaqy tóledi.