Scat áýekompanııasy Astanadan Pragaǵa reısterdi qaıta bastady. Bul týraly elordalyq áýejaıdyń baspasóz qyzmeti habarlady, dep jazady Egemen.kz.
Alǵashqy reıs búgin, 22 mamyrda bolady. Reıster aptasyna 2 ret sársenbi jáne senbi kúnderi Boeing-737 ushaǵynda oryndalady.
Astanadan ushý saǵat 08:20-da oryndalsa, Pragaǵa qoný ýaqyty saǵat 11:25-te (jergilikti ýaqyt). Pragadan ushý - 12:15, Astanaǵa qoný - 20:10.
«Bul kópten kútken baǵyt elorda men Qazaqstan turǵyndaryna Chehııanyń ádemi astanasyna, sondaı-aq Chehııa turǵyndaryna álemniń jas astanalarynyń biri - Astanany kórýge múmkindik beredi. SCAT avıakompanııasyna álemdegi eń ádemi qalalardyń biri - Pragany kórýdiń biregeı múmkindigi úshin alǵys aıtamyz», dep atap ótti áýejaıda.