Májilis depýtattary «Qazaqstan Respýblıkasyndaǵy adam saýdasyna qarsy kúres týraly» zańdy jáne oǵan qatysty qujattardy ekinshi oqylymda qabyldady, dep habarlaıdy Egemen.kz.
Zań jobasy adam jáne azamattardyń quqyqtary men bostandyqtaryn qorǵaý maqsatynda adam saýdasyna qarsy is-qımyldyń uıymdyq-quqyqtyq negizderin, onyń ishinde adam saýdasyna qarsy kúres salasyndaǵy ýákiletti organdardy, olardyń quqyqtary men mindetterin qurýdy kózdeıdi.
Jeke taraý adam saýdasyna eń osal sanat retinde kámeletke tolmaǵandardyń quqyqtaryn qorǵaýǵa arnalǵan. Zań jobasynyń usynylyp otyrǵan normalary bilim berý uıymdarynda adam saýdasyna qarsy baǵdarlamalardy ázirleý jáne iske asyrý arqyly kámeletke tolmaǵandar saýdasynyń aldyn alý boıynsha profılaktıkalyq jumysty kúsheıtýge kómektesedi.
«Adam saýdasy problemasy kóp qyrly, zań jobasynda usynylǵan Ishki ister mınıstrligi men Eńbek jáne halyqty áleýmettik qorǵaý mınıstrliginiń eki memlekettik organynyń quzyreti azdyq etedi, osy oraıda vedomstvoaralyq ózara is-qımyldy qamtamasyz etý maqsatynda depýtattar basqa memlekettik organdardyń naqty quzyretterin de kózdeýdi usynady. Mundaı keshendi tásil men birlesken kúsh-jiger osy qylmystardyń sanatyn edáýir azaıtýǵa jáne adam saýdasyna qarsy turýǵa múmkindik beredi. Búginde adam saýdasynyń jańa túrleri paıda bolýda. Mysaly, saýdagerler áleýmettik jeliler arqyly jarnamany óz maqsattary úshin kedergisiz paıdalanyp áreket etedi. Mundaı qylmystardyń aldyn alý úshin basqa da normatıvtik aktilerge ózgerister engiziledi. Internet arqyly jynystyq qyzmetterdi uıymdastyrýǵa qylmystyq jaýapkershilik engiziledi», deıdi komıtet múshesi.
Zań jobasymen jumys barysynda depýtattar adam saýdasyna qarsy kúres salasyndaǵy halyqaralyq standarttarǵa sáıkestendirýge baǵyttalǵan tujyrymdamalyq túzetýler engizdi.
Qyrmyzy JUMAǴALIQYZY,
EUÝ stýdenti