2024 jyldyń qańtar-sáýir aralyǵynda benzın óndirý 1,7 mln tonnany qurady, bul ótken jyldyń sáıkes kezeńimen salystyrǵanda 2,6%-ǵa az, dep habarlaıdy Egemen.kz.
Dızeldik otyn óndirisi 5,5%-ǵa, 1,6 mln tonnaǵa deıin qysqardy. Bir qyzyǵy, buǵan deıin benzın óndirisi segiz jyl qatarynan, al dızeldik otyn úsh jyl qatarynan ósken.
Benzın men dızel otynyn óndirýdiń eń kóp kólemi Pavlodar munaı-hımııa zaýyty bar Pavlodar oblysynda tirkeldi: 579,8 myń tonna benzın jáne 677,5 myń tonna dızel otyny jáne PQOP ornalasqan Shymkentte benzın óndirisi 542,3 myń tonnany, al dızeldik otyn 366 myń tonnany qurady. Atyraý munaı óńdeý zaýyty jumys isteıtin Atyraý oblysynda 525 myń tonna benzın men 537 myń tonna dızel otyny óndirilgen.
Qazaqstan is júzinde benzın men dızel otynyn eksporttamaıdy. Osy jyldyń qańtar-naýryz aralyǵynda benzın ımporty jalpy resýrstardyń 0,02 paıyzyn ǵana qurap, eksport bolǵan joq. Dızel otyny ımporty 0,8%, eksport 0,4% qurady.
Aıta keteıik, otandyq tutynýshylardyń tapshylyǵynan qorǵaý úshin Qazaqstannan janar-jaǵarmaı eksportyna zańmen tyıym salynǵan.
Osy jyldyń qańtar-naýryz aılarynda ishki naryqta benzın men dızel otynyn satý kólemi árqaısysy 1,3 mıllıon tonnany qurady. Bir jylda benzın satý 4,4%-ǵa, dızeldik otyn satý 1,7%-ǵa ósti.
Al sáýir aıynda Qazaqstanda AI-92 markaly benzın lıtriniń ortasha quny 202 teńge, AI-95/96 – 252 teńge, AI-98 – 291 teńge boldy. Jazǵy dızel otynynyń bir lıtri 293 teńge, qysqysy 543 teńgeni qurady.
2024 jyldyń sáýir aıynyń sońynda benzın baǵasy bir jylda 3,5%-ǵa ósti, al dızel otynynyń quny 0,8%-ǵa tómendedi. Baǵanyń eń kóp jyldyq ósýi AI-98 benzıninde baıqalyp, 20,1%-ǵa baǵa ósimi joǵarylady. AI-95/96 markaly benzın 16,1%-ǵa, AI-92 markaly benzın 1,5%-ǵa qymbattady.
Altynaı ABDYSh,EUÝ stýdenti