Qulpynaı ósiretin Atyraý qalasy kásipkeri Dáýlet Ǵarıfolla sý tasqyny qarapaıym kásipkerlerge de qıyndyq týǵyzyp turǵanyn aıtty, dep habarlaıdy Egemen.kz.
Oblystyń Tótenshe jaǵdaı jónindegi jedel shtabynyń málimetinshe onyń qulpynaı alqaby Jalǵansaı aýyly mańynda ornalasqan. Alqap mańaıyndaǵy jaıylmalar Jaıyqtyń sýyna tolǵandyqtan, kásipkerler egistik alqapqa qaıyqpen qatynap júr. Kásipker kóktemde qulpynaı egipti, aýmaqty sý basady dep oılamaǵan.
«Kúnine 2-3 márte qulpynaı tasımyz. Atyraý qalasyna 60-100 kg ákelip, saýda núktelerimizde satamyz», deıdi kásipker.
Kásipkerdiń aıtýynsha, qulpynaı alqabyna bólingen jerdiń jalpy aýmaǵy 50 ga quraıdy, tasqynǵa baılanysty bıyl 0,5 ga jerge ǵana jemis ekken.