«Qazgıdromet» RMK málimetine kóz júgirtsek, aldaǵy úsh táýlikte soltústikte, soltústik-batysta, shyǵysta jáne ortalyqta, 1 maýsymda respýblıkanyń batysynda atmosferalyq fronttardyń ótýine baılanysty turaqsyz aýa raıy saqtalady, naızaǵaı oınap, jańbyr jaýady, burshaq túsip, ekpindi jel soǵady.
«Qazaqstannyń ońtústiginde joǵary qysymnyń áserinen jaýyn-shashyn toqtaıdy. 31 mamyrda soltústik-batysta, 31 mamyr-1 maýsymda soltústikte, 1 maýsymda eldiń shyǵysynda, kúndiz respýblıkanyń basym bóliginde aýa temperatýrasy birtindep kóteriledi», dedi mamandar.
Respýblıkanyń batysynda, ońtústiginde aýa temperatýrasy +27+35°S deıin, eldiń soltústik-batysynda, soltústiginde, ortalyǵynda +15+25°S deıin, ońtústik-shyǵysta +22+27°S deıin, shyǵys aımaqtarda +10+20°S deıin tómendeıdi dep boljanyp otyr.