Mańǵystaý oblystyq polısııa basqarmasy 59 jastaǵy er adamdy urlap, óltirdi degen kúdikpen ustalǵan eki áskerı qyzmetshi oqıǵasyna qatysty túsinikteme berdi, dep jazady Egemen.kz Qazaqparatqa silteme jasap.
Tergeý málimetinshe kúdiktiler marqumnyń basyn kesip, kómip tastaǵan. Osy qylmysty jasady degen eki kúdikti ustalǵan. Al qylmysqa qatysy bar úshinshi adam izdestirilip jatyr. Qolǵa túsken kúdiktiniń biri burynǵy áskerı qyzmetker ekeni anyqtalyp otyr.
Oqıǵany oblystyq polısııa basqarmasy rastap, túsinikteme berdi.
«Adam urlyǵy men óltirý derekteri boıynsha 2 kúdikti ýaqytsha ustaý ızolıatoryna qamaldy. Úshinshi kúdiktini ustaý boıynsha jedel-izdestirý sharalary júrgizilýde. Tergeý amaldary júrgizilip jatyr. О́zge aqparat tergeý múddesi úshin jarııa etilmeıdi», dedi oblystyq polısııa departamentiniń baspasóz hatshysy Áıgerim Ibatýllaeva.