Elordadaǵy № 43 qosymsha bilim berý mektep-ortalyǵynda jas pedagogter sleti ótti. Astananyń tájirıbeli pedagogteri jas áriptesterine bilim berý trenıngterin, TEDx jobasyn jáne ulttyq sport oıyndaryn usyndy, dep habarlaıdy Egemen.kz qalalyq ákimdiktiń resmı saıtyna silteme jasap.
Sletke 100-ge jýyq jas pedagog qatysty.
«Jas mamandar retinde bul mamandyqtyń sizge sáıkes keletin-kelmeıtini týraly jıi oılanýyńyz múmkin, ásirese jumystyń alǵashqy úsh jylynda. Alaıda ustazdyq qyzmet sizdiń súıikti isińizdi qaldyrýǵa múmkindik bermeıdi. Eń bastysy - sharshamaý. Sizdiń arańyzda bolashaq mektep dırektorlary, bilim basqarmalarynyń basshylary men mınıstrler jáne árıne, eń jaqsy muǵalimder bar dep senemin. Sizdermen birge qala qarqyndy damyp, jańa mektepter salynyp jatyr. Qalamyzda búginde 263 myń oqýshy bar bolsa, 2030 jylǵa qaraı Astanada 382 myńǵa jýyq oqýshy bolady. Osy bes jyl ishinde mektepke 120 myń bala barady, sizdiń jumysyńyz odan ári suranysqa ıe bolady degen sóz», dedi elordalyq Bilim basqarmasynyń basshysy Qasymhan Senǵazyev.
Basqarma basshysy búginde elordada bir ýaqytta 34 mektep salynyp jatqanyn aıtty. Bul mektepter tórt myń muǵalimdi qajet etedi.
Qatysýshylardyń aıtýynsha, TEDx formatyndaǵy bilim berý trenıngteri tájirıbe almasýǵa, jańa ádistemelerdi ıgerýge jáne synypta jumys isteý úshin praktıkalyq quraldardy alýǵa múmkindik berdi.
Sondaı-aq is-shara barysynda ulttyq sporttyq oıyndar men estafetalar ótkizildi.