Astanadaǵy akademııalyq ulttyq kitaphanada armıan ádebıeti buryshynyń ashylý saltanaty ótti. Mádenı májiliske elimizdiń zııalylary, Armenııa Respýblıkasynyń Qazaqstandaǵy Tótenshe jáne ókiletti elshisi Armen Gevondıan arnaıy qatysty.
Alǵashqy bolyp sóz alǵan kitaphana dırektorynyń orynbasary Nurjan Joldybalın is-sharanyń mádenı mańyzy men qazaq-armıan arasyndaǵy dostyq baılanysty erekshe atap ótti. Jıynnyń eki el ádebıetiniń rýhanı yntymaqtastyǵyna oń áserin tıgizetinin jetkizdi.
Armenııanyń Qazaqstandaǵy Tótenshe jáne ókiletti elshisi Armen Gevondıan: «Kitaphana ishinde ashylǵan bul burysh armıan tili men ádebıeti muralaryna tereń úńilýge múmkindik beredi. Qazirgi kúni Egıshe Charens, Ýılıam Saroıan, Oganes Týmanıan shyǵarmalary qazaq tiline aýdarylǵan bolsa, qazaqtyń uly oıshyl aqyny Abaı Qunanbaıulynyń óleńderi armıan tiline tárjimelengen. Aldaǵy ýaqytta eki halyq aqyn-jazýshylarynyń týyndylaryn aýdarý isi jalǵasa beretini sózsiz», deı otyryp, Armenııanyń mádenıetin, tarıhyn, dástúri men qazirgi damý barysyn bederleıtin 113 kitapty kitaphana qoryna tapsyrdy.
Basqosýda armıan álipbıi men kóne jazbalary týraly derekti fılm kórermen nazaryna usynyldy. Jastar óner kórsetip, qazaq, armıan tilderinde óleń oqydy.
Tomırıs BAIǴABYL,
L.N.Gýmılev atyndaǵy EUÝ stýdenti