Belgili qalamger Tabyl Qulııas qarııa muraǵatqa máttaqam edi. Osy sýretti kózi tirisinde sol kisi berdi. Munda 1927 jyly Orynbordaǵy jumysshylar fakýltetinde oqyp júrgen órimdeı qazaq jastary beınelengen. Biraq olardyń kim ekeni beımálim. Oqýǵa qaı óńirden barǵany da belgisiz. Marqum Tabyl aǵa da sýrettegi adamdardy naqty bilmeıtinin aıtqan edi.
«2003 jyly Orynbor qalasyndaǵy arhıvke bardym. Onda el tarıhyna qatysty biraz dúnıe bar. Arhıvte apta boıy otyryp, kóptegen derek aldym. Sonyń biri – osy sýret. Onyń syrtyna «Rabfak. 1927 god. g.Orenbýrg. foto E.E.Blehmana» dep jazylǵan. О́zge eshteńe joq. Basqa qujattardan bul jaıynda málimet kezdespedi. Arhıv qyzmetkerinen surap edim, odan tushymdy jaýap bolmady. Sosyn sýrettiń kóshirmesin túsirip aldym. Mine, sodan beri bul jádigerdi kózimniń qarashyǵyndaı saqtap júrmin. Sýrettegi kisilerdi tanymadym. Biraq osy jigitterdiń keıingi taǵdyrlary qalaı qalyptasty dep oılaımyn. Otyzynshy jyldardaǵy qyrǵynnan aman qaldy ma eken?», dep kúrsinip edi.
Bıyl bul sýretke 97 jyl tolady. Ǵasyrǵa jýyq ýaqyt. Endeshe, siz de tarıhı jádigerge bir úńilip kórińiz.