Polıseılerdiń eskertýine qulaq aspaǵan júrgizýshi Aqtóbe oblysynda jol apatyna ushyraǵan, dep habarlaıdy Egemen.kz tengrinews.kz-ke silteme jasap.
Jol-kólik oqıǵasy Aqtóbe-Orsk tasjolynda Qarǵaly aýdany, Ashylysaı aýyly mańynda 5 maýsymda bolǵan. Toyota Alphard kóligi aýdarylyp qalǵan. Jol apatynan 4 adam qaza taýyp, 1-i aýrýhanaǵa jetkizilgen.
«Kólik júrgizýshisi Aqtóbeden Orsk qalasyna (Reseı) resmı túrde jolaýshylar tasymaldaýmen aınalysqan. Jol-kólik oqıǵasynan birneshe saǵat buryn polıseıler júrgizýshimen jol-kólik oqıǵasynyń aldyn alý jóninde sóılesken, biraq soǵan qaramastan júrgizýshi polıseılerdiń keńesin elemeı, adam ólimine ákeletin jol apatyna ushyraǵan», dep habarlady oblystyń Polısııa departamentiniń baspasóz qyzmeti.
Atalǵan oqıǵa boıynsha sotaldy tergeý amaldary júrgizilip jatyr.