10 maýsymda Qytaıdyń shyǵys jaǵalaýyndaǵy iri Lıanıýngan portynan Atyraýǵa gýmanıtarlyq júk keldi, dep habarlaıdy Egemen.kz.
Tótenshe jaǵdaılardy joıý jónindegi aımaqtyq shtabtyń habarlaýynsha, Lıanıýngan portynyń Ortalyq Azııadaǵy ókildiginiń dırektory Chjao Veı Qytaı men Qazaqstannyń uzaq dostyq tarıhy bar órkenıetti memleketter ekenin atap ótti.
«Lıanıýngan men Atyraý bir-birinen alshaq bolǵanymen, bul halyqtar arasyndaǵy baılanysqa kedergi keltirmeıdi. Belgili bir sebeptermen gýmanıtarlyq kómegimiz sál keshigip keldi. Biraq bul bizdiń elge degen qamqorlyq kórsetýimizge kedergi bolmady. Búgin men Lıanıýngan porty atynan gýmanıtarlyq kómekti Atyraý qalasynyń áleýmettik damý qoryna aýdaryp jatyrmyn», dep jedel shtab Qytaı ókiliniń sózin keltiredi.
Sý tasqynynan zardap shekken Atyraý oblysyna Lıanıýngan qalasynan shatyrlar, tósek-oryn jabdyqtary, qolǵaptar, rezeńke etikter, kúrekter men ylǵal sińiretin quraldar jetkizildi.
Shtab Lıanıýngandaǵy qytaı-qazaqstandyq logıstıkalyq baza Qytaı men Ortalyq Azııa arasyndaǵy taýar aınalymyn belsendi túrde arttyryp otyrǵanyn, bul eki halyq arasyndaǵy yntymaqtastyq pen ózara kómekti nyǵaıtýǵa yqpal etetinin eske saldy.