Kaspıı teńizinde aǵyn alyp ketken eki er adam segiz saǵattan soń qutqaryldy, dep habarlaıdy Egemen.kz Tótenshe jaǵdaılar mınıstrliginiń baspasóz qyzmetine silteme jasap.
«Osy túni 1998 jáne 1996 jyly týǵan eki jergilikti turǵyn supboard-pen syrǵanaýǵa teńizge barǵan. Aǵynmen jastardy teńizge alyp ketken edi. Izdestirý jumystary 8 saǵatqa jýyq sozyldy. Jumysqa qutqarýshylardan basqa, áskerı teńizshiler de tartyldy, olar tańǵa qaraı jaǵalaýdan 5 shaqyrym jerde Kógildir aılaq aýmaǵynda joǵalǵan adamdardy tapty», delingen aqparatta.
Er adamdardyń jaǵdaıy turaqty. Olar Aqtaý portyna jetkizilip, medısınalyq kómek kórsetildi.