Jambyl oblysynda «Ońtústik» óńirlik qolbasshylyǵynyń sarbazy Qordaı ortalyq aýdandyq aýrýhanasynyń jansaqtaý bólimine tústi, dep habarlaıdy Egemen.kz.
Naýqas 9 maýsym kúni Gvardeısk áskerı gospıtalinen jedel járdem kóligimen jetkizildi.
«Qordaı ortalyq aýdandyq aýrýhanasyna «polısegmentaldy pnevmonııa» dıagnozymen jatqyzyldy. Naýqas klınıkalyq ólimdi bastan keshken. Qazirgi ýaqytta naýqastyń jaǵdaıy óte aýyr, kóptegen músheler jetkiliksizdigi baıqalady. Atap aıtqanda, tynys alý, júrek, baýyr, serebraldy jáne ınfeksııalyq toksıkalyq shok belgileri bar. Gemofıltrasııa jáne dári-dármekpen emdeledi», delingen habarlamada.
Sondaı-aq dárigerler sarbazdyń keýde qýysynda jaraqaty bar ekenin aıtady.