Qaraǵandy oblysy polısııa departamentiniń habarlaýynsha er adam 10 maýsym kúni óli tabylǵan, dep jazady Egemen.kz.
Onyń denesinen oq jaraqatynyń izi tabylǵan. Oblystyq polısııanyń málimetinshe, er adam óz-ózine qol jumsaǵan.
«О́z qarýynan oq atqan 48 jastaǵy er adamnyń máıiti tabyldy», dep habarlady departamenttiń baspasóz qyzmeti.
Baspasóz qyzmeti sonymen qatar oq marqumnyń tirkelgen myltyǵynan atylǵanyn aıtty.
«Qylmystyq-prosestik kodekstiń 201-babyna sáıkes ózge málimetter jarııa etýge jatpaıdy», dep atap ótti Qaraǵandy oblysynyń polısııa departamentiniń baspasóz qyzmeti.
Keıbir Telegram arnalary marqumnyń osy jyldar ishinde quqyq qorǵaý organdarynda, onyń ishinde Qaraǵandy oblysy boıynsha sybaılas jemqorlyqqa qarsy is-qımyl departamentinde jumys istegenin atap ótedi. Oblystyq polısııa departamentiniń baspasóz qyzmeti bul aqparatqa ázirge túsinikteme bergen joq.