2024 jyldyń 8-12 maýsym aralyǵynda Jańaózen qalasy Rahmet О́tesinov atyndaǵy dene shynyqtyrý saýyqtyrý kesheninde bokstan sport ardageri, jattyqtyrýshy Aqylbek Temirovty eske alýǵa arnalǵan halyqaralyq týrnır ótti, dep habarlaıdy Egemen.kz.
Dúbirli dodaǵa Reseı, Ázerbaıjan, Qyrǵyzstan, Tájikstan, О́zbekstan memleketteri men elimizdiń barlyq óńirinen 300-ge jýyq sportshy qatysty. Olar bes kún boıy ózara myqtyny anyqtady.
Jarystyń ashylý saltanatyna qurmetti qonaq retinde Olımpıada oıyndarynyń eki dúrkin kúmis júldegeri Ádilbek Nııazymbetov, Álem chempıony Erdos Jańabergenov, Álem chempıony Bekzat Nurdáýletov, Azııa oıyndarynyń kúmis júldegeri, Halyqaralyq sport sheberi Erik Áljanov, Olımpıada oıyndarynyń qatysýshysy, Qarýly kúshter arasyndaǵy Álem chempıony Berik Ábdirahmanov, Olımpıada oıyndarynyń eki dúrkin kúmis júldegeri Bolat Jumadilov, Mańǵystaý oblysy boks federasııasynyń ókilderi men Jańaózen qalasynyń ákimi Janseıit Qaınarbaev qatysty.
Jarysta 2010-2011 jyldary týǵan jastar 17 salmaq dárejesinde júldelerdi sarapqa saldy. Jarys jeńimpazy atanǵan sportshyǵa arnaıy belbeý taǵyldy.
Aýqymdy týrnırdi uıymdastyrýǵa «Halyq» qaıyrymdylyq qory men «Birlik» qoǵamdyq birlestigi demeýshilik etti.
Aıta keteıik, «Halyq» qaıyrymdylyq qory buǵan deıin Mańǵystaý oblysynda sport ınfraqurylymyn damytýǵa úles qosqan bolatyn. Sondaı-aq osy qordyń demeýshiligimen 2025 jylǵa deıin Jańaózen qalasynda úlken sporttyq dene shynyqtyrý-saýyqtyrý kesheni salyný josparlanyp otyr. Atalǵan qor esebinen salynatyn keshenge 1 mlrd teńge qarjy bólingen.