Atyraýda er adam azamattyq nekedegi burynǵy áıelin óltirýge oqtalǵan. Qazir er adam izdestirilip jatyr, dep habarlaıdy Egemen.kz.
Bul derekti oblystyq polısııa departamentiniń baspasóz qyzmeti rastady.
Oqıǵa 9 maýsymda bolǵan. Kúdiktiniń qylmystyq áreketi beıne kameraǵa túsip qalǵan.
«Atyraý qalasyndaǵy kópqabatty úıdiń biriniń dálizinde er adam 33 jastaǵy áıeldi óltirýge oqtalǵan. Qazir 29 jastaǵy kúdiktige qatysty qylmystyq is tirkelip, tergeý bastaldy. Kúdiktiniń jeke basy anyqtalyp, ony ustaýǵa baǵyttalǵan keshendi jedel-izdestirý is-sharasy júrgizilip jatyr. Sot-medısınalyq saraptamasy taǵaıyndaldy», dep habarlady Atyraý qalasyndaǵy № 1 polısııa bóliminiń bastyǵy Rýslan Baıtenov.
Onyń aqparatyna qaraǵanda, kúdikti men jábirlenýshi buryn azamattyq nekede bolyp, birge turǵan.
О́zge aqparat tergeý múddesine sáıkes jarııalanbaıdy. Qazir jábirlenýshi aýrýhanada jatyr.