Prezıdent Qasym-Jomart Toqaev Jambyl oblysy Otar aýylyndaǵy áskerı bólimde merzimdi qyzmetin atqaryp jatqan sarbazdyń komaǵa túsýine qatysty isti baqylaýdy tapsyrdy. Bul týraly Memleket basshysynyń keńesshisi ári baspasóz hatshysy Berik Ýálı áleýmettik jelidegi paraqshasynda málimdedi, dep jazady Egemen.kz.
«Prezıdent Qasym-Jomart Toqaev Jambyl oblysy Otar aýylyndaǵy áskerı bólimde merzimdi qyzmetin ótep jatqan sarbazdyń komaǵa túsýine qatysty anasynyń áleýmettik jelilerde jarııalaǵan úndeýimen tanysty. Memleket basshysy bolǵan oqıǵanyń mán-jaıyn muqııat zerttep, kináli adamdardy jazalaýdy talap etti.
Prezıdent Qorǵanys mınıstrine armııada mundaı jaǵdaıǵa jol bermeý qajet ekenin eskertip, tergeý amaldaryn baqylaýǵa alýdy tapsyrdy», delingen Berik Ýálı taratqan jazbada.