Bıyl sýarý maýsymynda elimizge Qyrǵyzstannan Shý ózeni arqyly 180 mln tekshe metr jáne Talas ózenimen 380 mln tekshe metr sý keledi, dep habarlaıdy Egemen.kz.
Sý resýrstary jáne ırrıgasııa mınıstrliginiń málimetinshe, vedomstvo basshysy Nurjan Nurjigitov quramyna qos memlekettiń ókilderi kiretin Shý-Talas sý sharýashylyǵy komıssııasynyń 33-shi otyrysynda tıisti kelisimge qol jetkizdi. Sondaı-aq kezdesý barysynda taraptar Shý jáne Talas ózenderindegi sý sharýashylyǵy nysandaryn jóndeý-qalpyna keltirý jumystarynyń túrleri men kólemi týraly da kelisken.
Esterińizge salaıyq, osyǵan deıin Qazaqstan men О́zbekstannyń sý vedomstvolary elimizge «Dostyq» memleketaralyq kanaly arqyly 922 mln tekshe metr sý berý jóninde mámile jasaǵan.
«Qazirgi ýaqytta Qyrǵyzstannyń Sý resýrstary mınıstrliginiń basshylyǵymen maýsymnyń úshinshi onkúndiginen bastap Shý jáne Talas ózenderi arqyly sý berýdi ulǵaıtý týraly ýaǵdalastyqqa qol jetkizildi. Qazirgi ýaqytta qyrǵyz áriptesterimizben birlesip sý berý kestesin ulǵaıtý baǵytynda túzetý jumystary júrgizilip jatyr», dedi sala mınıstri Nurjan Nurjigitov.