Aqmola oblysynyń polıseıleri iz-túzsiz joǵalyp ketken 45 jastaǵy áıeldi izdestirip jatyr, dep habarlaıdy Egemen.kz sinegor.kz-ke silteme jasap.
1979 jyly týǵan Dosanova Gúlnur Ernazarqyzy 12 maýsymda saǵat 13:30 shamasynda úıden shyǵyp ketip, qaıtyp oralmaǵan. Onyń joǵalǵany týraly habardy polısııaǵa ápkesi 17 maýsym kúni habarlaǵan.
Buǵan deıin joǵalǵan áıeldi týystary ózderi izdegen. Eshqandaı nátıje bolmaǵan soń polısııanyń kómegine júgingen. Gúlnur Ernazarqyzynyń buǵan deıin de úıden birneshe ret ketip qalyp, biraq qaıta kelgen kezderi bolǵan eken.
Áıeldiń belgileri: boıy – 160-165 santımetr, dene bitimi aryq, shashy ıyǵyna deıin, qara tústi, erekshe belgileri joq. Ol qara shalbar, aq jáne kók jolaqtary bar kók sporttyq kostıým jáne aq aıaqkıim kıgen.
Astana men kórshiles oblystardyń polısııa departamentterine baǵyt-baǵdar joldandy. Polısııa qyzmetkerleri men joǵalǵan áıeldiń týystary arasynan arnaıy izdestirý toptary quryldy.
Polıseıler taksı jáne marshrýttyq avtobýs júrgizýshilerinen, sondaı-aq temirjol jáne avtovokzal qyzmetkerlerinen joǵalǵan áıel týraly surastyryp jatyr. Izdeý jumystary áli de jalǵasady.