26 maýsym - Halyqaralyq esirtki zattaryn paıdalanýmen jáne olardyń zańsyz aınalymymen kúres kúni. Osy kúnge oraı Astanada «Astana – esirtkisiz qala!» aýqymdy aksııasy ótedi, dep habarlaıdy Egemen.kz elorda ákimdiginiń baspasóz qyzmetine silteme jasap.
Atalǵan aksııa 22 maýsymda «Han Shatyr» SOO-da saǵat 13:00-den 16:00-ge deıin, sondaı-aq Esil jaǵalaýyndaǵy amfıteatrda saǵat 17:00-den 20:00-ge deıin ótedi. Oǵan otandyq estrada men sport juldyzdary, sporttyq, vokaldyq jáne bı ujymdary qatysady.
Is-sharany Astana polısııa departamentiniń esirtki qylmysyna qarsy is-qımyl basqarmasy uıymdastyrady.
Aksııaǵa qatysýshylarǵa Kınologııalyq ortalyqtyń qyzmettik-izdestirý ıtterimen kınologtardyń jumysy kórsetiledi.
Sondaı-aq aksııanyń barlyq belsendi qatysýshylary úshin vıktorınalar, sporttyq jarystar, syılyqtar uıymdastyrylady.
Is-shara sheńberinde elorda aýmaǵynda nashaqorlyqqa qarsy is-qımylǵa qosqan úlesi úshin ÚEU ókilderi men eriktiler medaldarmen, gramotalarmen jáne alǵys hattarmen marapattalady.
Is-shara elorda ákimdiginiń, psıhıkalyq densaýlyq ortalyǵynyń, AIV-ınfeksııalarynyń aldyn alý ortalyǵynyń, «Renessans» ońaltý ortalyǵynyń jáne basqa da úkimettik emes uıymdardyń belsendi qatysýymen ótkiziledi.