Tanymal ánshi Dımash Qudaıbergenniń beıtanys qyzǵa saqına syılaǵan sáti áleýmettik jelide tarap ketti, dep habarlaıdy Egemen.kz.
Áleýmettik jelini shýlatqan vıdeo jarnama maqsatynda túsirilgeni anyqtaldy. Beınerolıkte Dımashtyń aq kóılek kıgen «qalyńdyǵyna» neke júzigin syılap jatqanyn kórýge bolady.
«Beınejazbadaǵy qyz Natalıa Petrı – byltyr Almatyda ótken sulýlyq baıqaýynyń jeńimpazy. Abaı atyndaǵy QazUPÝ-da «ǵylymı fızıka» mamandyǵy boıynsha bilim alady. Natalıa bala kezinen fızıkaǵa ǵana emes, hımııa men matematıkaǵa da qyzyǵýshylyq tanytyp, osy salada muǵalim bolýdy uıǵarǵan. Natalıa ulttyq bı ónerimen aınalysady, qazaq mádenıetin jaqsy kórip, qazaq tilinde erkin sóıleıdi. Onyń ákesi - nemis, anasy - qazaq. Jarnamalyq plakattar Almaty men Astana qalasynyń bılbordtarynda paıda bola bastady», delingen ashyq aqparat kózderinde.