Almaty qalasynyń Almaly aýdandyq soty shahardaǵy metro qurylysy kezinde 5 mıllıard teńgeden astam bıýdjet qarajatyn jymqyrdy dep aıyptalǵan 10 adamǵa qatysty úkim shyǵardy, dep jazady Egemen.kz.
Qylmysqa qatysty sotqa deıingi tergep-tekserýdi kólik prokýratýrasy júrgizdi.
Sot talqylaýy barysynda aıyptaýshy tarap sottalýshylardyń «Metropolıten» KMK, «Almatymetroqurylys» AQ, «Avtomattandyrý jáne tehnologııalar qyzmeti» JShS basshylary bola otyryp, adamdar tobymen, 2018 jyldyń maýsymynan 2020 jyldyń tamyzyna deıingi kezeńde «Saryarqa» jáne «Dostyq» stansııalaryn salý barysynda qarjylyq alaıaqtyqpen, onyń ishinde, jabdyqtyń qunyn 10 ese arttyryp turaqty túrde iri kólemdegi aqshalardy jalǵan fırmalar arqyly shyǵarǵanyn dáleldedi.
Sottalǵandar memlekettik jáne qarjy uıymdarynda jumys isteý quqyǵy men ártúrli merzimge bas bostandyǵynan aıyryldy (negizgi fıgýranttar 7 jyldan 8 jylǵa deıin). Sonymen qatar sot 1 mlrd teńgeden astam somadaǵy múlikterin tárkilep, memleketke keltirilgen shyǵyndy óndirdi.
Sot úkimi zańdy kúshine engen joq.