Otandyq «Álem beınesi» art-jobasy Gınnestiń rekordtar kitabyna engen. Bul týyndy Dýbaıda ótken EKSPO dúnıejúzilik kórmesinde elimizdiń ulttyq pavılonynda usynylǵan-tuǵyn.
Oǵan álemniń 193 eliniń 2 myńǵa tarta azamaty óz tańbalaryn qaldyrǵan. Olardyń qatarynda Gollıvýd aktrısasy Baı Lıng, amerıkalyq kásipqoı boksshy Roı Djons, túbi qazaqstandyq rejısser Tımýr Bekmambetov, reseılik ánshi Valerııa syndy álemdik juldyzdar bar. Qyzyǵy, keneptiń ólshemi jer-jahannyń fızıkalyq parametrlerine sáıkes keledi. Álemniń kishkentaı kórinisi sekildi týyndy barsha adamdy biriktirip, shekaranyń joqtyǵyn kórsetken.
Robot-muǵalim
Úndistanda robot-muǵalim bar. Aty – «Iris». Jasandy ıntellekt basqaratyn robot-muǵalim oqýshylarǵa erekshe sabaq ótkizedi.
Ázirleýshilerdiń aıtýynsha, tehnologııa «Intel» chıpsetinde jumys isteıdi. Kiristirilgen daýys kómekshisi jáne Android qoldanbasynyń ınterfeısi bar. Ár oqýshynyń erekshe qajettilikteri men qalaýlaryn eskere otyryp, ózgeshe tásil qoldanady. Robot synypta ońaı qozǵalý úshin arnaıy dóńgelektermen jabdyqtalǵan. Sonymen qatar ol zattardy da ustaı alady. Eger synyp shýly bolsa, muǵalim múldem sóılemeı qoıady. Oqýshylar solaı belgili bir tártipke baǵynady.
Tımge ý ótpeıdi
Ǵalymdarynyń dáleldeýinshe, jer betinde jylyna 400 myń adam jylan ýynan zardap shegedi. 20 myńy dúnıe salady. Al Tım Frıdege jylan ýy múldem darymaıdy.
Tańǵalarlyǵy, keıbir ýly jylandar Tımniń denesine tisin batyrýǵa qorqady. Jıyrma jyl ishinde Tım ádeıi 200-ge jýyq jylannyń ýyn boıyna darytqan eken. Onyń aǵzasy jylan ýyna ábden úırenip ketken. Tipti shybyn shaqqan qurly kórmeıdi. Eń qyzyǵy, ony shaqqan jylandar kóp uzamaı ózderi ólip qalady. Ol munyń bárin qanshama tájirıbe men «Ýly jándikterge qarsy kúres» zertteýinen úırengen.