Bıyl Kaspıı teńiziniń soltústik-shyǵys bóliginiń deńgeıi 119 santımetrge kóterildi, dep habarlaıdy Egemen.kz.
Sý resýrstary jáne ırrıgasııa mınıstrliginiń málimetinshe teńiz deńgeıiniń kóterilýine sáýir-mamyr aılarynda Jaıyq ózeni arqyly tasqyn sýynyń mol kelýi áser etken. Sondaı-aq Sý resýrstary jáne ırrıgasııa mınıstrligi men jergilikti ákimdik birlesip salǵan qosymsha arnalardyń kóp kómegi bolǵan.
Esterińizge sala keteıik, sý tasqyny kezinde Kaspıı teńizine Jaıyq ózeni arqyly shamamen 7,4 mlrd tekshe metr sý jiberildi. Tasqyn sýyn teńizge ótkizý úshin Atyraý oblysy boıynsha «Qazsýshar» fılıaly qosymsha kanaldardy paıdalandy. Ol arnalar arqyly Kaspııge 350 mln tekshe metr sý keldi. «Qazsýshar» mamandary arnalardyń barlyǵynda tazartý, nyǵaıtý jáne basqa da jumystardy júrgizdi. Mysaly, «Sokolok» kanalynyń boıynda uzyndyǵy 14,5 shaqyrym bolatyn qosymsha kanal qazyldy, ol arqyly tasqyn sýy Kaspııge jiberildi.
«Tasqyn sýy tek sý qoımalaryna jınalyp qana qoımaı, 12,4 mıllıard tekshe metr sý toǵandarǵa, lımandar men tabıǵı shabyndyqtarǵa jiberildi. Sý tasqyny bastalǵannan beri Balqash kóline 3,3 mlrd tekshe metr sý jiberildi. Sonymen qatar Soltústik Aralǵa sý jiberý jumysy jalǵasyp jatyr. Jyl basynan teńizge 1,1 mlrd tekshe metrden astam sý keldi», dedi Sý resýrstary jáne ırrıgasııa vıse-mınıstri Nurlan Aldamjarov.