Bıyl jemshóp daqyldaryna arnalǵan egis alqaby 3,4 mln gektardan asty, bul 2023 jylmen salystyrǵanda 314 myń gektarǵa artyq. Alaıda óńirlerde jemshóp sapasyn jaqsartý, eginshilik deńgeıin arttyrý boıynsha jumystar kútip tur. Bul máseleler Premer-mınıstrdiń orynbasary Serik Jumanǵarınniń tóraǵalyǵymen ótken Úkimet otyrysynda talqylandy.
О́tken Aýyl sharýashylyǵy mınıstrligi ǵylymı tásildi qoldana otyryp, Jemshóp óndirý salasyn damytýdyń 2025 jylǵa deıingi jol kartasyn ózektendirdi. Maqsaty – 2028 jylǵa qaraı jemshóp daqyldarynyń egis alqaptaryn 3,6 mln gektarǵa deıin keńeıtý arqyly aýyl sharýashylyǵynda jalpy óniminiń kólemin eki esege arttyrý. 2024 jyly 3,4 mln gektardan asa jerge jemshóp daqyldary egildi.
«Jemshóp daqyldary egilgen alqaptyń 74%-y – kópjyldyq shóptiń úlesine, 26%-y – birjyldyq daqyldarǵa tıesili. Olardyń kóktemgi egisi mal sharýashylyǵynyń qajettiligi úshin pishen men súrlem daıyndaýdy qamtamasyz etedi. О́ńirlerde shópterdi jańartý, shabyndyq pen jaıylym jerlerdi jaqsartý boıynsha jumysty kúsheıtý qajet, sonyń saldarynan mal azyǵynda áli de shóp pen jemshóp, ıaǵnı qarapaıym jem basym. Bul rette barlyq óńirde Úlken joba sheńberinde taýarly-sút fermalarynyń qurylysy júrip jatyr, olar úshin pishen, júgeri, súrlem daıyndaý qajet», dep atap ótti Aýyl sharýashylyǵy vıse-mınıstri Amanǵalı Berdalın.
Qazirgi ýaqytta elimizde pishenmen qamtamasyz etý 45%-dy, al súrlemmen qamtamasyz etý 72%-dan aspaıdy. Jalpy, 2024 jyly 25,5 mln tonna shóp, 1,6 mln tonna pishen, 4,6 mln tonna saban, 5,7 mln tonna qunarly jem jáne 2 mln tonna súrlem daıyndaý josparlanǵan.
«Bizde jer jetkilikti, biraq utymdy ıgerilmeıdi. О́ńirlerdiń aldyna jemshóp óndirý boıynsha naqty mindetter qoıý kerek. Jol kartasyn ár óńir úshin 2-3 jylǵa arnalǵan jemshóp daqyldary jónindegi josparmen tolyqtyrý qajet», dep tapsyrdy Serik Jumanǵarın.
Sondaı-aq óńirlerdiń ákimdikterine mal azyǵy daqyldary úshin sýarmaly jer kólemin keńeıtýge, jemshóp daqyldarynyń tuqym sharýashylyǵyn damytýǵa, paıdalanylatyn jaıylymdyq jerdiń ónimdiligin arttyrýǵa basa nazar aýdara otyryp, eginshilikti ártaraptandyrý tapsyryldy.