Almatydaǵy Ǵabıt Músirepov teatrynda uzaq jyldar boıy qyzmet etip, zeınetke shyqqan Aıymtory Taıǵarınova páter jaldaǵan jigitke aldanyp, baspanasyz qalǵan, dep jazady Egemen.kz.
Aıymtory Taıǵarınovanyń jasy qazir 86-da, 7 jyldan beri qarttar úıin panalap keledi.
«Úıimizdi alyp qoıdy. Men jalǵyz ózim dalada qaldym. Úıimizde advokat jigit páter jaldap turdy. Ol páteraqy retinde ár aı saıyn 30 myń teńge berip turatyn. Keıin qaǵazǵa 30 myń teńge alyp otyrǵanymdy jazýdy surady. Men jazyp berdim. Keıin páterim qoldy boldy. Ol ne jasaǵanyn, qalaı jasaǵanyn bilmeımin. Ol álgi úıdi satyp alǵandaı bolǵan ǵoı», deıdi keıýana.
Bul týraly ol «Qazaq Airan» YouTube arnasyna bergen suhbatynda aıtty.