10-20 shilde aralyǵynda Esil ózeni arqyly ótetin Táýelsizdik kópirine asfalt jabynynyń joǵarǵy qabaty salynady. Ýchaskedegi qozǵalys ishinara shekteledi, dep habarlaıdy Egemen.kz Astana ákimdiginiń baspasóz qyzmetine silteme jasap.
«2023 jyldyń qazan aıynda joldardaǵy keptelisti azaıtý úshin Esil ózeni arqyly Táýelsizdik kópirinde jol jabynynyń tómengi qabaty arqyly ótý qamtamasyz etildi. Qazirgi ýaqytta irgeles aýmaqty abattandyrý jumystary jalǵasyp jatyr», delingen ákimdik habarlamasynda.
Osy jyldyń 10-20 shilde aralyǵynda asfalt-beton jabynynyń joǵarǵy qabatyn tóseý jumystaryn júrgizý josparlanyp otyr. Bul rette qozǵalys kópirdiń bir jaǵy boıynsha eki baǵytta da qamtamasyz etiledi.