Qarjy naryǵyn retteý jáne damytý agenttigi jeke tulǵalarǵa bankten qaryz ben shaǵyn nesıe berý kezinde jubaılardyń kelisimin talap etetin sharttardy naqtylaıtyn qaýly jobasyn jarııalady, dep habarlaıdy Egemen.kz.
«Respýblıkalyq bıýdjet týraly zańmen tıisti qarjy jylǵa belgilengen myń eselengen aılyq eseptik kórsetkish mólsherinde banktik qaryz nemese mıkrokredıt alýǵa jubaıynyń (zaıybynyń) kelisimi qajet bolatyn tutynýshylyq banktik qaryzdyń nemese tutynýshylyq mıkrokredıttiń eń tómengi mólsheri bekitilsin», — dep jazylǵan qaýly jobasynda.
Qazaqstandyqtar bankten nemese qarjy uıymdarynan 1000 aılyq eseptik kórsetkishten, ıaǵnı, 2024 jyly 3 mln 692 myń teńgeden astam shaǵyn nesıe alar kezde jubaıynyń kelisimi talap etiledi.
«Kredıt berýshi jeke tulǵaǵa kredıt berý týraly sheshim qabyldaǵannan keıin azamattyq hal aktileriniń aqparattyq júıesi (AHAJ) arqyly onyń jubaıy týraly aqparatty tekseredi ne kredıttik bıýrodan AHAJ-da bar aqparatty alady. Jubaıynyń kelisimi AHAJ-da klıenttiń jubaıy týraly aqparat bolǵan kezde talap etiledi», — delingen qujatta.
Nesıe alýshynyń jubaıy óz kelisimin qaǵaz túrinde de, onlaın tásilmen de rasta alady. Kelisim berý qujatynda myna derekter kórinis tabý kerek:
kelisimniń resimdelgen kúni; klıent pen jubaıynyń tegi, aty, ákesiniń aty jáne jeke sáıkestendirý nómiri; rásimdeletin kredıttiń somasy, merzimi, syıaqy mólsherlemesiniń kólemi.Qaǵaz túrinde berilgen kelisimdi notarıýs arqyly kýálandyrý qajet.Elektrondy kelisim berý eGov veb-portaly bıometrııalyq ıdentıfıkattaý arqyly rásimdeledi.
Mundaı kelisimdi nesıe alýshynyń jubaıy elektrondyq sıfrlyq qoltańba arqyly 48 saǵat ishinde kýálandyrýy qajet.