«Qudaı álemdi alty kúnde jaratqan. Al jetinshi kúni Rıo-de-Janeırony jasaǵan» dep ázildeıdi brazılııalyqtar qalanyń sulýlyǵyn meńzep. Biraq bile bilseńizder, osy bir áıgili shahardyń atyna zaty saı emes.
О́ıtkeni «Rıo» – ıspansha «ózen» degen maǵynany bildiredi. Oǵan dálel – Meksıkadaǵy Rıo-Grande, Argentınadaǵy Rıo-Dýlse, Paragvaıdaǵy Rıo-Bermeho, Ekvadordaǵy Rıobamba – bári-bári ózen boıyna salynǵan qalalar. Biraq bir qyzyǵy, Brazılııanyń bul qalasy «О́zendi qala» atalǵanymen munda eshqandaı da ózen joq. 1502 jyldyń 1 qańtarynda portýgal teńizshileri osy jerge tap bolyp, shyǵanaqty ózenniń saǵasy dep qatelesedi. Solaısha bul eldi mekendi Rıo-de-Janeıro, qazaqshalasaq «Qańtar ózeni» dep atap ketken eken.